بچے اپنی عمر ،پسند اور دلچسپی كے لحاظ سے كتابیں پڑھتے ہیں۔جس میں ان كی ذہنی اور جسمانی نشوونما كا بھی بڑا دخل ہوتا ہے۔كیوں كہ بچے جس طرح جسمانی اعتبار سے مختلف منزلیں طے كرتے ہیں اسی طرح مطالعہ میں بھی مختلف منازل طے كرتے ہیں۔عمر كے اعتبار سے ان كے مطالعے كے شوق بھی بدلتے رہتےہیں۔اس لیے بچوں كو بچپن سے ہی اچھے ادب كی طرف مائل كرنا چاہیئے۔ بچوں كا ادب تخلیق كرنا بھی ایك فن ہے۔وہی ادب اطفال كامیاب ہےجو بچوں كی ذہنی اور جسمانی نشوونما میں مد د گار اور بنیادی قدروں كو سمجھانے كی صلاحیت ركھتا ہو۔
اسی مقصدکو مد نظر رکھتے ہوئے بلائنڈ ریسورس فائونڈیشن پاکستان نےنابینابچوں کے لیے انكی پسند نا پسند ،تجسس، دلچسپی، خواہشیں،مقاصداورمطالعے كے شوق كو مدنظر ركھتے ہوئے2020 میںایک سہ ماہی رسالے آبگینے کا اجراء کیاجس کی مدیرہ محترمہ ارم ہارون صاحبہ ہیں ۔
اس رسالے کے اب تک 12 شمارے شائع کیے جا چکے ہیں۔ ان شماروں کو حاصل کرنے اور اپنی تحاریر بھیجنے کے لیے بی آر آیف پی کے دفتر سےرابطہ کیا جا سکتا ہے۔